सिंहदरबार संवाददाता
काठमाडौं । साताको अन्तिम कारोबार दिन सेयर बजार बजार सामान्य अंकले घटेको छ । नेपाल स्टक एक्सचेञ्ज (नेप्से) परिसूचक ८.३० अंकले घटेर २७४८.०५ को बिन्दुमा पुगेर बजार बन्द भएको छ ।
बिहीबार ३०७ कम्पनीको १ करोड ६६ लाख ६३ हजार ३ सय ५५ कित्ता सेयर किनबेच हुँदा ८ अर्ब ५४ करोड ५५ लाख २५ हजार ३ सय ७३ रुपैयाँ बराबरको कारोबार भएको छ ।
बिहीबार एक्सेल डेभलपमेन्ट बैंकको सबैभन्दा धेरै कारोबार भएको छ । कम्पनीको ३१ करोड ८ लाख ६४ हजार ७ सय ३७ रुपैयाँ संकलन भएको छ । कम्पनीको सेयर प्रतिकित्ता मूल्य ६ सय ८२ रुपैयाँ ९० पैसा पुगेको छ । बिहीबार ५० कम्पनीको सेयर मूल्य बढ्दा १९४ कम्पनीको सेयर मूल्य घटेको छ ।
साथै, आज ३ कम्पनीको सेयरमा सकारात्मक सर्किट लागेको छ भने मानुसी लघुवित्तको सेयर मूल्यमा नकारात्मक सर्किट लागेको छ ।
प्रतिक्रिया दिनुहोस्