सिंहदरबार संवाददाता
काठमाडौं । प्रधानमन्त्री केपी शर्मा ओली नेपालमा रोजगारीको अवसर छैन भन्ने कुरा सही नभएको बताएका छन् । सातौँ सामाजिक सुरक्षा दिवसको अवसर पारेर ट्रेड युनियन महासंघ (जिफन्ट) ले मंगलबार काठमाडौंमा आयोजना गरेको एक कार्यक्रममा बोल्दै उनले सो कुरा बताएा हुन् ।
प्रधानमन्त्री ओलीले नेपालमा रोजगारीको अवसर नभएर खाना नपाउने खालको हाहाकारस्थिति भयो भन्ने कुरा साच्चो नभएको बताए । उनले जनतालाई उपयुक्त खालको अवसर दिनका लागि सरकारले सामाजिक सुरक्षाको व्यवस्थालाई अघि बढाएको पनि स्मरण गराए ।
उनले भने, ‘नेपालमा जब अपरच्युनिटी छँदै छैन भन्ने होइन । उपयुक्त खालको भएन, आकर्षक खालको भएन । एउटा कुरा त्यो हो । जब अपरच्यूनिटी नपाएर नेपालमा खाना नै नपाउने हाहाकारको स्थिति भयो भन्ने होइन । तर उपयुक्त खालको मान्छेले भनेजस्तो जब अपरच्युनिटी भएन । भनेजस्तो आकर्षक इन्कम भएन, वचतको स्थिति भएन । यी कुराहरु साँचो हुन्’
प्रधानमन्त्री ओलीले नेपालमा कल्पना गर्न नसकिने खालको परिवर्तनहरु भएको दाबी समेत गरे ।
प्रतिक्रिया दिनुहोस्