सिंहदरबार संवाददाता
काठमाडौं । क्यानडाका लागि नेपालका राजदूत भरतराज पौड्याल र त्यहाँको तल्लो सदनका सभामुख ग्रेग फेरगुसबीच शिष्टाचार भेट भएको छ ।
बुधबार अपराह्न भएको भेटमा नेपाल–क्यानडा सम्बन्धका साथै आपसी हित र साझा चासोका विषयमा छलफल भएको ओटावास्थित नेपाली राजदूतावासले जनाएको छ ।
दुई मुलुकबीच आर्थिक साझेदारी विस्तार तथा नेपाल र क्यानडाका संसद्बीच सहकार्यका साथै संसदीय आदानप्रदानमा राजदूत पौड्यालले जोड दिएका थिए ।
प्रतिक्रिया दिनुहोस्