पहिरोले अपर तामाकोशीको बाँधस्थलमा क्षति, विद्युत उत्पादन ठप्प

काठमाडौं । अपर तामाकोशी हाइड्रोपावरको विद्युत उत्पादन बन्द भएको छ । असोज १२ को पहिरोले कम्पनी अन्तर्गत सञ्चालित माथिल्लो तामाकोशी जलविद्युत केन्द्रको बाँधस्थलमा क्षति पुर्याएपछि विद्युत (४५६ मेवा) उत्पादन पूर्ण रूपमा बन्द भएको हो ।

पहिरोले कम्पनीको बाँधस्थलमा रहेको Dam Operation Control Building, Setting Basin, Box Culvert, हाइड्रोमेकानिकल तथा इलेक्ट्रोमेकानिकल उपकरणहरु ट्रान्समिसन लाइन तथा बाँधस्थल प्रवेश मार्ग लगायतका संरचनाहरूमा क्षति पुगेको थियो ।

बाढीका कारण क्षति भएको संरचानाहरुको मूल्यांकन पश्चात पुनर्निर्माणको कार्य अगाडी बढाईएको समेत कम्पनीले सूचनामार्फत जानकारी दिएको छ ।