एभरेष्ट बैंक र एनसीएचएलबीच अली पे प्लसमार्फत नेपाल पे क्वीआरमा अन्तरदेशीय भुक्तानी गर्ने सम्झौता

काठमाडौं । एभरेष्ट बैंक लिमिटेड र नेपाल क्लियरिङ्ग हाउस लिमिटेडबीच अली पे प्लसको नेटवर्कमा रहेका सदस्य वालेटहरु मार्फत ‘नेपाल पे’ मर्चेन्टहरुका क्वीआरमा अन्तरदेशीय भुक्तानी गने सम्झौता भएको छ ।

उक्त सम्झौता पत्रमा बैंकका तर्फबाट प्रमुख कार्यकारी अधिकृत (सीईओ) सुदेश खालिङ्ग तथा एनसीएचएलका तर्फबाट प्रमुख कार्यकारी अधिकृत नीलेश मान सिंह प्रधानले हस्ताक्षर गरेका हुन् । यस सम्झौता अन्तर्गत नेपालमा रहेका नेपाल पे क्वीआर तथा यसका interoperable क्वीआरको मर्चेन्ट क्वीआरमा अली पे प्लसको नेटवर्क मार्फत भुक्तानी गर्न सकिने बैंकले जनाएको छ ।

बैंकका अनुसार उक्त सम्झौता अनुसार चाइना, हङ्गकङ्ग, सिंगापुर, मलेसिया, इन्डोनेसिया, फिलिपिन्स, मङ्गोलिया, थाईल्याण्ड, साउथ कोरिया, स्वीडेन तथा इटली लगायतका देशहरुबाट नेपाल आएका पर्यटकहरुले आनो डोमेस्टिक वालेट मार्फत नेपालमा रहेका नेपाल पे क्वीआर तथा यसका interoperable क्वीआरमा सजिलै भुक्तानी गर्न सक्नेछन् ।

अली पे प्लसको नेटवर्कमा ६६ वटा विभिन्न ग्लोबल मार्केट अन्तर्गत ३० भन्दा बढि इसुइङ्ग उपकरण, ३०० भन्दा बढि acquiring network, ९ करोड भन्दा बढि ग्लोबल मर्चेन्टहरु आबद्ध रहेका छन् । अली पे प्लसको नेटवर्कमा Alipay China, OCBC, Changipay,Gcash, AlipayHK, Hipay, KakaoPay, TossPay, NaverPay, TnGD, PBB, TrueMoney, Mpay, Tinaba मार्फत अन्तरदेशीयभुक्तानीहरु गर्न सकिने व्यवस्था रहेको छ ।

एनसीएचएलले अली पे प्लससँग International Payment Partner का रुपमा आबद्ध भई दुइ नेटवर्कबीच भुक्तानी सुचारु गर्नका निम्ती आवश्यक व्यवस्था मिलाइसकेको छ । यस पहल अनुरुप अब एभरेष्ट बैंक सँग सो भुक्तानी सेवा कार्यान्वयन गर्नका निम्ती सम्झौता भएको हो ।

नेशनल पेमेन्ट स्वीच अन्तर्गतको ल्भउबत्तिच् मापदण्ड कार्यान्वयन गर्न, नेपाल पे क्वीआर एक स्वतन्त्र क्वीआर स्किमको रुपमा सञ्चालन हुनुको साथै मर्चेन्ट तथा नेटवर्क लेभलको अन्तरआबद्धता कायम गर्न स्थापना भएको पूर्वधार हो ।  हाल नेपाल पे क्वीआरको नेटवर्क मा ८ लाख ५० हजारभन्दा बढि (Interoperable QR समेतका) मर्चेन्टहरु आबद्ध रहेका छन् ।