सिंहदरबार संवाददाता
काठमाडौं । हुन्डाई गाडीका लागि नेपालको आधिकारिक विक्रेता लक्ष्मी इन्टरकन्टिनेन्टल प्रा.लि. ले नयाँ एसयूभी प्यालिसेड नेपाल भित्र्याएको छ । प्यालिसेड ७ सीटर प्रिमियम एसयूभी हो । कम्पनीले यो कार छिट्टै आधिकारीक रूपमा सार्वजनिक गर्ने जनाएको छ । यो कोरियामा उत्पादित कार हो ।
नेपाली बजारमा प्यालिसेड २.२ लिटरको डिजल इन्जिन अप्सनमा आउने छ जसले २०० पीएस पावर तथा १७५०–२७५० आरपिम टर्क उत्पादन गर्नेछ । यो एसयूभी ८ स्पीड अटोमेटिक ट्रान्समिसनमा उपलब्ध रहेको छ । नेपाली बजारमा यो एसयूभीको सुरुवाती मूल्य २ करोड रुपैयाँ पर्ने अनुमान गरिएको छ ।
नेपाली बजारमा यो एसयूभीको प्रतिस्पर्धा टोयाटाको फर्चुनर, मित्सुबिसी पजेरो र फोर्डको इन्डेभरसँग हुनेछ ।
प्रतिक्रिया दिनुहोस्