सिंहदरबार संवाददाता
काठमाडौं । मुनलाईट हाइड्रोपावर कम्पनी लिमिटेडले १ करोड ७६ लाख १० हजार ५० कित्ता साधारण शेयर (आइपीओ) निष्काशन गर्ने भएको छ । कम्पनीले प्रतिकित्ता न्युनतम मूल्य १ सय रुपैयाँका दरले १ अर्ब ७६ करोड १० लाख ५ हजार रुपैयाँ बराबरको कित्ता शेयर निष्काशन गर्ने भएको हो ।
मुनलाईट हाइड्रोपावरले सेयर निष्काशन तथा बिक्री प्रबन्धकमा लक्ष्मी सनराइज क्यापिटल लिमिटेडलाई नियुक्त गरेको छ । सम्झौतामा लक्ष्मी सन्राइज क्यापिटलको तर्फबाट प्रमुख कार्यकारी अधिकृत विजय लाल श्रेष्ठ र मुनलाईट हाइड्रोपावरकोे तर्फबाट प्रमुख कार्यकारी अधिकृत अनन्त कार्कीले हस्ताक्षर गरेका छन् ।
मुनलाईट हाइड्रोपावर कम्पनी लिमिटेडले सिन्धुपाल्चोक जिल्लाको जुगल गाउँपािलकामा रहेका २२.१४ मेगावाट क्षमताको बलेफी—ए जलबिद्युत आयोजना निर्माणाधिन गरी हाल ७० प्रतिशत भन्दा बढि कार्य सम्पन्न भईसकेको छ ।
प्रतिक्रिया दिनुहोस्