सिंहदरबार संवाददाता
२० वटा बाणिज्य बैंकहरुले चालु आर्थिक बर्षको पहिलो त्रैमासिक अवधीमा १७ अर्ब ५२ करोड रुपैयाँ नाफा आर्जन गरेका छन् । बैंकहरुले सार्वजनिक गरेको असोज मसान्तको अपरिस्कृत वित्तिय विववरण अनुसार २० बाणिज्य बैंकहरुले १७ अर्ब ५२ करोड रुपैयाँ नाफा आर्जन गर्न सफल भएका हुन् । गत आर्थिक बर्षको सोही अवधीको तुलनामा चालु आवको सोही अवधीमा बाणिज्य बैंकहरुको नाफा ४ अर्ब ४१ करोड अर्थात ३३.६८ प्रतिशतले वृद्धि भएको देखिन्छ ।
२०८० असोज मसान्तसम्ममा यीनै बैंकहरुको(२०८० असोज मसान्तसम्ममा एनआईसी एशिया बैंक ९९ करोड र कृषि विकास बैंक ८८ करोड रुपैयाँ ऋणात्मक थिए) नाफा १३ अर्ब ११ करोड रुपैयाँ थियो ।
पहिलो त्रैमासिक अवधीमा नबिल बैंकले २ अर्ब ५ करोड रुपैयाँ नाफा आर्जन गरेको छ भने ग्लोबल आइएमई बैंकले एक अर्ब ५१ करोड रुपैयाँ नाफा आर्जन गरेको छ । प्राइम कमर्सियल बैंकले एक अर्ब २८ करोड रुपैयाँ नाफा आर्जन गरेको छ । एनएमबि बैंकले एक अर्ब १४ करोड रुपैयाँ नाफा आर्जन गर्दा एभरेष्ट बैंकले एक अर्ब १२ करोड रुपैयाँ खुद नाफा आर्जन गरेको देखिन्छ ।
११ वटा बैंकले पहिलो त्रैमासिकमा आफ्नो नाफा वृद्धि गर्दा ९ वटा बाणिज्य बैंकहरुको नाफा भने घटेको देखिन्छ ।
२० वटा बाणिज्य बैंकहरुको वितरण योग्य नाफा २६ अर्ब ५७ करोड रुपैयाँ पुगेको छ । यद्यपी, यसपाली पनि चार वटा बाणिज्य बैंकहरुको वितरण योग्य नाफा भने ऋणात्मक नै रहेको देखिन्छ ।
कुन बैंकले कति कमायो ?
प्रतिक्रिया दिनुहोस्