प्रतिकित्ता ६ सय रुपैयाँमा जीवन विकास लघुवित्तको सेयर बिक्रीमा

काठमाडौं । जीवन विकास लघुवित्त वित्तीय संस्था लिमिटेडले संस्थापक सेयर बिक्रीमा ल्याएको छ । कम्पनीले आठ जना संस्थापक संस्थापक सेयरधनीहरुको नाममा रहेको करिब ३ लाख ३४ हजार ५ सय कित्ता सेयर लिलामीमा बिक्री गर्न लागेको हो ।

उक्त सेयरको बिक्री मूल्य भने न्युनतम प्रतिसेयर ६ सय रुपैयाँ तोकिएको छ । आवेदन दिँदा न्यूनतम २ सय ५० कित्ताका लागि दिन सकिनेछ भने अधिकतममा सबै सेयर खरिदका लागि पनि दिन सकिने कम्पनीले एक सूचनामार्फत जानकारी दिएको छ ।

सेयर खरिद बिक्रीको लागि इच्छुक संस्थापक सेयरधनी वा अन्य व्यक्ति संस्था वा कम्पनीहरुले आवश्यक कागजात संकलन गरी आज (कात्तिक ४) गतेदेखि कात्तिक १४ गते अपरान्ह ३ बजेभित्र दिन कम्पनीको बिक्री प्रबन्धक एनएमबि क्यापिटल बालुवाटार काठमाडौं तथा जीवन विकास लघुवित्तको केन्द्रीय कार्यालय, कटहरी–२ मोरङमा आइपुग्ने गरी आवेदन पेश गर्न सक्नेछन् ।