सिंहदरबार संवाददाता
काठमाडौं । साताको अन्तिम कारोबार दिन सेयर बजार सामान्य अंकले बढेको छ । नेपाल स्टक एक्सचेञ्ज (नेप्से) परिसूचक २.४७ अंकले बढेर २७४५.३६ मा पुगेको हो ।
बिहिबार ३१६ कम्पनीको १ करोड ८८ लाख ७ हजार ४९२ कित्ता सेयर किनबेच हुँदा ७ अर्ब १९ करोड २७ लाख ९२ हजार १६६ रुपैयाँ कारोबार भएको छ ।
बिहिबार कुमारी बैंकको सबैभन्दा धेरै कारोबार भएको छ । बैंकको ३३ करोड १३ लाख ९० हजार १ सय ८५ रुपैयाँ कारोबार भएको छ । बैंकको प्रतिकित्ता सेयर न्युनतम मूल्य २ सय ४३ रुपैयाँ रहेको छ ।
बिहिबार ८९ कम्पनीको सेयर मूल्य बढ्दा १४२ कम्पनीको मूल्य घटेको छ भने १३ कम्पनीको सेयर मूल्य स्थिर रहेको छ । साथै, आज गुडवील फाइनान्सको सेयर ७.६३ प्रतिशतले बढेको छ भने अप्पर स्याङ्गे हाइड्रोपावरको सेयर ५.१९ प्रतिशतले घटेको छ ।
प्रतिक्रिया दिनुहोस्