सिंहदरबार संवाददाता
काठमाडौं । नेपाल धितोपत्र बोर्डले ५१ कम्पनीको सेयर मूल्य बढाउन चलखेल भएको भन्दै सूचि नै सार्वजनिक गरेकोपछि नेप्सेले आपक्ति जनाएको छ । नेपाल स्टक एक्सचेञ्ज(नेप्से)का महाप्रबन्धक चन्द्रसिंह साउदले बोर्डका कारण ५१ कम्पनीको सेयर मूल्य घट्यो भने लगानीकर्तालार्य कसले क्षतिपूर्ति दिन्छ ? भनि प्रश्न गरेका छन् ।
‘कम्पनीको मूल्य तोक्ने काम धितोपत्र बोर्डको होइन, यसरी कम्पनीको नाम तोक्न पाइँदैन्, बोर्डको काम हेरेर बुझेर लगानी गर्नुस भन्ने हो । बोर्डले यी कम्पनी राम्रा, यी कम्पनी नराम्रा भन्ने होइन, त्यो लगानीकर्ताको काम हो ।’, नेप्सेका महाप्रबन्धक साउदले सिंहदरबारसँग भने ।
उनले कुनै पनि कम्पनी वा लगानीकर्ताहरुले सेयरको मूल्य बढाउन चलखेल वा गढबढ गरेको फेलामा परेमा कारवाही गर्ने अधिकार बोर्डसँग रहेको तर यसरी कम्पनी तोक्नु भने ठिक नभएको बताए । ‘गढबढ भएको रहेछ भने कारवाही गर्ने अधिकार बोर्डलाई छ, ५१ कम्पनी सेयर मूल्य घट्यो भने त्यसका लगानीकर्ता डुब्छन्, त्यसको जिम्मेवारी कसले लिन्छ ? क्षतिपुर्ति कसले तिर्छ ?’, महाप्रबन्धक साउदले कटाक्ष गरे ।
प्रतिक्रिया दिनुहोस्