सिंहदरबार संवाददाता
काठमाडौं । सिटिजन्स म्युचुअल फण्डअन्तर्गत सञ्चालित ३ वटा योजनाको आर्थिक वर्ष २०८०।८१ का लागि लाभांश घोषणा गरेको छ।
योजना व्यवस्थापक सिटिजन्स क्यापिटलको सञ्चालक समितिको आज बसेको बैठकले उक्त आर्थिक वर्षको मुनाफा र सञ्चित कोषबाट सिटिजन्स म्युचुअल फन्ड–१, सिटिजन्स म्युचुअल फन्ड–२ र सिटिजन्स सुपर ३० का इकाइधनीहरुलाई लाभांश वितरण गर्ने निर्णय गरेको हो।
जसअनुसार करसहित फन्ड–१ का इकाइधनीलाई ९ प्रतिशत, फन्ड–२ इकाइधनीलाई ६.५ प्रतिशत र सुपर ३० का इकाइधनीलाई १० प्रतिशत नगद लाभांश वितरण गर्ने निर्णय क्यापिटलले गरेको छ।
यी तीनवटै योजनाको लाभांश वितरणका लागि असोज २३ गते बुक क्लोज हुनेछ । असोज २२ गतेसम्म कायम इकाइधनीहरुले मात्र यी तीन योजनाको लाभांश पाउनेछन्।
प्रतिक्रिया दिनुहोस्