सिंहदरबार संवाददाता
काठमाडौं । सुपर मादी हाइड्रोपावर डेभलपमेन्ट कम्पनीले वार्षिक साधारण सभा बोलाएको छ । कम्पनीको असोज ८ गते बसेको सञ्चालक समितिकको निर्णय अनुसार सभा कात्तिक ५ गते होटल इम्पेरीयल बत्तिसपुतली काठमाडौंमा बिहान ११ बजे आव्हान गरेको हो ।
सभामा हाल कायम चुक्ता पुँजीको ५ प्रतिशत बोनस र कर प्रयोजनको लागि ५५ लाख २६ हजार रुपैयाँ नगद लभांश वितरण गर्ने प्रस्ताव पनि पारित गर्नेछ ।
कम्पनीले ताप्लेजुङ जिल्लास्थित निर्माणाधीन अवस्थामा रहेको २८५ मेगावाट क्षमताको माथिल्लो तमोर जलविद्युत आयोजनामा लगानी गर्न सञ्चित मुनाफा, कर्जा तथा हकप्रद सेयर जारी गर्ने, सो सम्बन्ध र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पनि पारित गर्नेछ ।
साथै, सभामा आर्थिक वर्ष २०८०/०८१ को नाफा नोक्सानसम्बन्धी हिसाबका सम्बन्धमा छलफल गर्नेछ ।
सभामा आर्थिक वर्ष २०८१/०८२ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा रहेको छ ।
साथै, सभा प्रयोजनका लागि कम्पनीले असोज १८ गते बुक क्लोज गर्ने भएको छ । जसअनुसार असोज १६ गतेसम्म कायम सेयरधनीहरुले सभामा भाग लिन पाउँनेछन् ।
प्रतिक्रिया दिनुहोस्