सिंहदरबार संवाददाता
काठमाडौं । साताको तेस्रो कारोबार दिन सेयर बजार दोहोरो अंकले घटेको छ । नेपाल स्टक एक्सचेञ्ज (नेप्से) परिसूचक ५८.९३ अंकले घटेर २४७०.३९ बिन्दुमा पुगेर बजनार बन्द भएको छ ।
मंगलबार ३०९ कम्पनीको १ करोड ५५ लाख ४ हजार ९ सय २९ कित्ता सेयर किनबेच हुँदा ५ अर्ब ६८ करोड ९५ लाख ६१ हजार ३ सय ५६ रुपैयाँ संकलन भएको छ ।
मंगलबार एनएलजि इन्स्योसेन्स कम्पनीको सबैभन्दा धेरै कारोबार भएको छ । कम्पनीको १८ करोड ४१ लाख ७६ हजार ७६ रुपैयाँ संकलन भएको छ । कम्पनीको सेयर प्रतिकित्ता १ हजार ३ सय १ रुपैयाँ पुगेको छ ।
मंगलबार १० कम्पनीको सेयर मूलय बढ्दा २३३ कम्पनीको सेयर मूल्य घटेको छ भने १ कम्पनीको सेयर मूल्य स्थिर रहेको छ ।
साथै, मंगलबार हिमालयन हाइड्रोपावर कम्पनीको सेयर मूल्यमा सकरात्मक सर्किट लागेको छ ।
प्रतिक्रिया दिनुहोस्