सिंहदरबार संवाददाता
काठमाडौं । नेपाल स्टक एक्सचेन्ज (नेप्से) मा २ कम्पनीको सेयर मूल्य समायोजन भएको छ । नेप्सेमा सीइडीबी हाइड्रोपावर डेभलपमेन्ट कम्पनी र ओरियन्टल होटल लिमिटेडको सेयर मूल्य समायोजन भएको हो ।
सीइडीबी हाइड्रोपावरको सेयर समायोजन अघिको मूल्य २ हजार ३१ रुपैयाँको आधारमा ११ प्रतिशत मूल्य समायोजन भएको हो । कम्पनीको समायोजन पछिको मूल्य १ हजार ८ सय २९ रुपैयाँ ७३ पैसा रहेको छ ।
त्यस्तै, ओरियन्टल होटलको मूल्य समायोजन अघिको मूल्य १ हजार ३० रुपैयाँको आधारमा ५ प्रतिशत मूल्य समायोजन भएको हो । कम्पनीको समायोजन पछिको मूल्य ९ सय ८० रुपैयाँ ९५ पैसा रहेको छ ।
कम्पनीको सेयर दोस्रो बजारमा सोमबार असोज ७ गतेदेखि कारोबारमा आउने छ ।
प्रतिक्रिया दिनुहोस्