सिंहदरबार संवाददाता
काठमाडौं । असोज महिनामा पनि वाणिज्य बैंकहरूले ब्याजदर सामान्य घटाएका छन् । असोज महिनाका लागि बैंकहरुले नयाँ ब्याजदर तोकेको हो । भदौ महिनाको तुलनामा असोजमा बैंकहरूको ब्याजदर मुद्दति निक्षेपमा व्यक्तिगततर्फ ०.०९८ प्रतिशत घटेको हो ।
असोजमा बैंकहरूको औसत ब्याजदर व्यक्तिगततर्फ ६.४३ प्रतिशत र संस्थागततर्फ ५.१८ प्रतिशत कायम रहेको छ । भदौमा औसत ब्याजदर ६.५२ प्रतिशत ब्याजदर रहेको थियो ।
असोजमा १० बैंकले ब्याजदर स्थिर राखेका छन् भने ८ बैंकले घटाएका छन् । यस्तै, २ बैंकको ब्याजदर भने बढेको छ ।
कुन बैंकको ब्याजदर कति ?
एनआईसी एशिया बैंक
एनआईसी एशिया बैंकले मुद्दती निक्षेपमा ७.१८ प्रतिशत ब्याजदर तोकेको छ । यसअघि भदौमा बैंकले ७.४१ प्रतिशत ब्याजर तोकेको थियो ।
नबिल बैंक
नबिल बैंकले मुद्दति निक्षेपकर्तालाई ६.७५ प्रतिशत ब्याजदर तोकेको छ । अघिल्लो महिना(भदौ)मा बैंकले ७ प्रतिशत ब्याजदर तोकेको थियो ।
एभरेष्ट बैंक
एभरेष्ट बैंकले मुद्दती निक्षेपमा ६ प्रतिशत ब्याजदर तोकेको छ । यसअघि भदौमा ६.१० प्रतिशत ब्याजदर तोकेको थियो ।
नेपाल बैंक
नेपाल बैंकले मुद्दति निक्षेपकर्तालाई ५.९५ प्रतिशत ब्याज तोकिएको छ । भदौमा बैंकले ५.२५ प्रतिशत ब्याजदर तोकेको थियो ।
सानिमा बैंक
सानिमा बैंकले मुद्दति निक्षेपकर्तालाई ६.२० प्रतिशत ब्याजदर तोकेको छ । त्यसैगरी, बैंकले भदौमा व्यक्तिगततर्फ ६.२० प्रतिशत ब्याजदर तोकेको थियो ।
सिटिजन्स बैंक
सिटिजन्स बैंकले व्यक्तिगततर्फ ६.१५ प्रतिशत र संस्थागततर्फ ५ प्रतिशत ब्याजदर तोकेको छ । बैंकले भदौमा व्यक्तिगततर्फ ६.५ प्रतिशत ब्याजदर तोकेको थियो ।
त्यसैगरी, केही बैंकको व्याजदर भने स्थिर रहेको छ । प्रभु बैंकले मुद्दति निक्षेपमा व्यक्तिगततर्फ ६.१० प्रतिशत ब्याजदर दिने निर्णय गरेको छ ।त्यसैगरी, नेपाल इन्भेष्टमेण्ट मेगा बैंकले व्यक्तिगततर्फ ६.५० प्रतिशत, कुमारी बैंकले व्यक्तिगततर्फ ६.०१ प्रतिशत ब्याजदर तोकिएको छ ।
साथै, सिद्धार्थ बैंकले ६.५० प्रतिशत, माछापुच्छ्रे बैंकले ७ प्रतिशत, ग्लोबल आइएमई बैंकले ६.२५ प्रतिशत, लक्ष्मी सनराइज बैंकले ६.५० प्रतिशत ब्याजदर तोकेको छ ।
त्यस्तै, कृर्षि विकास बैंकले ६.०७ प्रतिशत, हिमालयन बैंकले ७ प्रतिशत, नेपाल एसबीआई बैंकले ६ प्रतिशत, एनएमबी बैंकले ६.५ प्रतिशत, प्राइम कमर्सियल बैंकले ६.२५ प्रतिशत, राष्ट्रिय वाणिज्य बैंकले ६ प्रतिशत र स्टान्डर्ड चार्टड बैंकले ७ प्रतिशत ब्याजदर तोकेको छ ।
प्रतिक्रिया दिनुहोस्