सिंहदरबार संवाददाता
काठमाडौं । साताको अन्तिम दिन सेयर बजार सामान्य घटेर बन्द भएको छ । नेप्से परिसूचकमा बिहीबार १.८ अंकको करेक्सन आएको हो । अघिल्लो दिन पनि बजार दोहोरो अंकले ओरालो लागेको थियो ।
नेप्से ०.०६ प्रतिशतले घटेर २९४४.७८ अंकमा पुग्दा बजारमा कारोबार आएका ९० कम्पनीको मूल्य बढे भने ८९ कम्पनीको मूल्य घटेका छन् । तीनवटा कम्पनीको मूल्य भने यथावत रहे ।
बजारमा अघिल्लो सेयर बेच्नेको बढी हुँदा नेप्से परिसूचक घटेको हो ।
नेप्सेका अनुसार ३ करोड ६ लाख कित्ता सेयर १६ अर्ब १० करोड रूपैयाँमा खरिदविक्री भएको छ । २ सय २० स्क्रिप्टका सेयर १ लाख ५५ हजार कारोबार भए ।
नेप्से घटेको दिन जलविद्युत कम्पनीहरूको सेयर मुल्य भने करिब १० प्रतिशतले बढेका छन् । १ वित्त कम्पनी र १२ हाइड्रो गरी कुल १३ कम्पनीको मूल्य करिब १० प्रतिशतले बढेका छन् ।
गुमाउनेहरूले भने सामान्य मूल्य गुमाएका छन् । कुनै पनि कम्पनीको सेयर मुल्य ५ प्रतिशतले घटेको छैन ।
नेप्सेमा बिहीबार एचआईडीसीएलको सबैभन्दा बढी सेयर किनबेच भएका छन् । कम्पनीको ९९ करोड बराबरको सेयर किनबेच हुँदा नेपाल रिइन्स्योरेन्स कम्पनी दोस्रोमा छ ।
समूहगत उपसूचकतर्फ बैंक, बीमा लगायत ठूला समूहको उपसूचक घटेका छन् ।
प्रतिक्रिया दिनुहोस्