सिंहदरबार संवाददाता
काठमाडौं । नेपाल राष्ट्र बैंकले बैंकिङ प्रणालीबाट ४० अर्ब रूपैयाँ लिने भएको छ । बजारमा तरलता प्रवाह बढेपछि बैंकले एकै पटक ४० अर्ब वाणिज्य बैंकहरुबाट खिच्न लागेको हो ।
बैंकले बुधबार एक सूचना प्रकाशन गर्दै निक्षेप संकलन उपकरणमार्फत् भदौ १२ गतेदेखि असोज २ गतेसम्मका लागि ४० अर्ब रूपैयाँ खिच्ने भएको हो ।
यसका लागि आज (बुधबार) अपराह्न ३ बजे बोलकबोल हुने राष्ट्र बैंकले उल्लेख गरेको छ । निक्षेप राख्न चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा नि : शेषा भाग जाने गरी कुल आह्वान रकमसम्म बोलकबोल गर्न सक्ने बैंकले जनाएको छ । निक्षेपको ब्याजदर भने बोलकबोल प्रणालीबाट तय हुनेछ ।
प्रतिक्रिया दिनुहोस्