आईसीसी इमर्जिङ एशिया ‘वेष्ट डिजिटल बैंकिङ’ अवार्ड एनआईसी एशियालाई

काठमाडौं । दोस्रो आईसीसी इमर्जिङ एशिया बैंकिङ अवार्ड (2nd ICC Emerging Asia Banking Awards) अन्तर्गतको वेष्ट डिजिटल बैंकिङ अवार्ड (Best In Digital Banking Award) एन आईसी एशिया बैंकले जितेको छ । इण्डियन चेम्बर अफ कमर्सले प्रदान गर्दै आएको सो अवार्ड एनआईसीले जिमतेको हो ।

बैंकले ‘डिजिटल फस्ट बैंक’ बन्ने दीर्घकालीन रणनीति अनुरुप सम्पूर्ण बैंकिङ्ग सेवाहरू क्रमिक रुपले डिजिटल माध्यममा रुपान्तरण गरिरहेको छ । बैंकलाई प्राप्त उक्त पुरस्कारले डिजिटल बैंकिङमा अझ बढी उत्प्रेरणा मिल्ने बैंकले सहायक प्रमुख कार्यकारी अधिकृत तथा प्रमुख सूचना अधिकारी अर्जुन खनियाले बताए ।

इण्डियन चेम्बर अफ कमर्सले सन् २०२४ अगष्ट २३ मा भारतको नयाँ दिल्लीमा आयोजना गरिएको ‘बैंकिङ्ग कनक्लेभ २०२४’ कार्यक्रममा यस बैंकलाई उक्त अवार्ड प्रदान गरिएको थियो ।

यस अवार्डमा विमस्टेक अन्तर्गतका राष्ट्रहरु नेपालसहित भारत, श्रीलंका, भुटान, म्यानमार लगायतका देशहरुका बैंकहरुले प्रतिस्पर्धा गरेका थिए । यी देशका बैंकहरुले विभिन्न आठ विधामा प्रतिस्पर्धा गरेका थिए, जसमा नेपालबाट यस बैंकले उक्त अवार्ड प्राप्त गर्न सफल भएको हो ।

यस अवार्डमा उत्कृष्ट बैंक छनौट गर्नका लागि इण्डियन च्याम्बर अफ कमर्स अन्तर्गतको आर्थिक मामिला तथा नीति विभागले विभिन्न १७ वटा सूचकहरु निर्धारण गरेको थियो ।