सिंहदरबार संवाददाता
काठमाडौं । नेकपा एमालेकी राष्ट्रिय सभा सांसद भगवती न्यौपानेले पीडितहरुले न्याय पाउँदैनन् भनेर परिस्थितिलाई भड्काउन खोजिएको बताएकी छिन् ।
राष्ट्रिय सभाको बिहीवारको बैठकमा प्रतिनिधि सभाबाट सन्देशसहित बेपत्ता पाबिरएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन) विधेयक, २०७९ माथिको दफावार छलफल बोल्दै उनले यस्तो बताएकी हुन् ।
उनले मानव अधिकारको उल्लंघन र गम्भीर उल्लंघनको विषय विधेयकमा उल्लेख गरिएको भन्दै नियतपूर्वक, स्वेच्छाचारी हत्या, जबरजस्तीकरणी र यौन हिंसा गम्भीर मानव अधिकार उल्लंघनको विषय भएको बताइन् ।
उनले गम्भीर मानव अधिकार उल्लंघनका मुद्दामा पीडितले माफी दिन चाहे पनि माफी दिन नमिल्ने र अदालती प्रक्रियामा गएर न्याय निरुपण हुने जानकारी दिइन् ।
सांसद न्यौपानेले अयोग्य लडाकुहरुलाई पनि राहत उपलब्ध गराउँदै परिपूरणको हकलाई विधेयकमा सुनिश्चित गरिएको बताइन् ।
प्रतिक्रिया दिनुहोस्