पुँजीबजारमा उत्साह देखिए पनि अर्थतन्त्र लयमा फर्किन सकेको छैन : अध्यक्ष अग्रवाल

काठमाडौं । नेपाल उद्योग परिसङ्घका अध्यक्ष राजेश कुमार अग्रवालले पुँजीबजारमा उत्साह देखिए पनि अर्थतन्त्र लयमा फर्किन नसकेको बताएका छन् । बुधबार ‘बजेट वाच सार्वजनिक सम्वाद कार्यक्रम’मा बोल्दै उनले यस्तो बताएका हुन् ।

अध्यक्ष अग्रवालले परिसंघले देशको अर्थतन्त्रलाई पहिलो प्राथमिकतामा राखेको र अन्य गतिविधिलाई पनि केन्द्रमा राखेको बताए । उनले आगामी बजेट आत्मानिर्भर हुनु पर्ने बताउँदै भने, ‘सरकारले मन्त्रालयगत रुपमा अघि बढाएको बजेटले परिसंघलाई थप उर्जा प्रदान गरेको छ।विदेशी संचिति र पुँजीबजारमा उत्साह देखिएको छ तर मुलुकको अर्थतन्त्र भने उही अवस्थामा छ । बजारमा माग बढीरहेको छैन । अर्थतन्त्र नै बजारमा अड्किएको हुन्छ । त्यसैले बजार चलाएमान भए मात्र अर्थतन्त्र चलाएमान हुन्छ ।’

आर्थिक गतिविधिमा टेवा पुर्‍याउन सरकारले ल्याएको वार्षिक बजेटले सकारात्मक भूमिका निर्वाह गरेको अध्यक्ष अग्रवालले बताए । उनले देशको आर्थिक विकास गर्ने उद्देशले ‘बजेट वाच’ ल्याएको जानकारी दिदैँ समग्र देशको अर्थतन्त्रको विकास गर्न सबैजना एक हुनु पर्ने समेत जानकारी दिए ।