सिंहदरबार संवाददाता
बागलुङ । बडिगाड गाउँपालिका–५ ग्वालीचौरमा अस्पताल भवन निर्माण भएको छ । ग्वालीचौरमा १८ करोडको लागतमा १५ शय्याको अस्पताल निर्माण भएको हो ।
सङ्घीय सरकारको लगानीमा निर्मित उक्त भवनबाट आगामी कात्तिकदेखि सञ्चालन गर्ने तयारीमा गाउँपालिका जुटेको गाउँपालिकाकी अध्यक्ष गण्डकी थापाले बताए । अस्पताल सञ्चालनमा आएपछि यहाँका स्थानीय बुर्तिबाङ, पोखरा, काठमाडौं, पाल्पालगायत स्थानमा उपचारका लागि जानुपर्ने बाध्यता हट्ने उनले बताए ।
गाउँपालिकाले सबै वडामा स्वास्थ्यचौकी र सामुदायिक स्वास्थ्य एकाइ स्थापना गरेर सामान्य रोगको उचार गर्दै आएको छ ।
प्रतिक्रिया दिनुहोस्