सिंहदरबार संवाददाता
सुनसरी । कोशी प्रदेश सरकारका मुख्यमन्त्री हिक्मतकुमार कार्कीले मुलुकको आर्थिक आयआर्जन बढाउने गरी काम गर्नुपर्नेमा जोड दिएका छन् ।
धरान उपमहानगरपालिका–१३ स्थित देवीमार्गदेखि वडा नं २० चिण्डेडाँडा जोड्ने सर्दु खोलाको आज पुल उद्घाटन गर्दै उनले प्रदेशलाई समृद्ध बनाउने योजनाका साथ काम गर्न आवश्यक रहेको बताएका हुन् ।
उनले धरानमा भारतीय पर्यटक बढाउन सकिने प्रशस्त सम्भावना भएको उल्लेख गर्दै पूर्वाधार निर्माणमा प्रदेश सरकारले जोड दिने बताए । ँधरान बहुसांस्कृतिक, बहुभाषिक र बहुधार्मिक हिसाबले महत्त्वपूर्ण छ, यहाँ भारतीय पर्यटक बढाउन सकिने सम्भावना छ”, उनले भने ।
त्यस अवसरमा कोशी प्रदेशसभा सदस्य यशोदा कायस्थ र रमेशकुमार बस्नेत तथा कोशी प्रदेश सरकार भौतिक पूर्वाधार विकास मन्त्रालयका सचिव अशोककुमार शाहलगायतको उपस्थिति थियो ।
प्रतिक्रिया दिनुहोस्