सिंहदरबार संवाददाता
कैलाली । माछापुच्छ्रे बैंकले कैलालिको ननवदुर्गा माध्यामिक विद्यालयमा खानेपानीका लागि आवश्यक पूर्वाधार निर्माण गरी विद्यालयलाई हस्तान्तरण गरेको छ ।
बैंकले आफ्नो संस्थागत सामाजिक उत्तरदायित्व अन्र्तगत विद्यालयमा खानेपानी पूर्वाधार निर्माण गरेको हो । आज विद्यालयमा औपचारिक कार्यक्रम आयोजना गरि निर्माण गरेको पूर्वाधारहरु विद्यालय व्यवस्थापन समिति एंव विद्यालय प्रशासनलाई हस्तान्तरण गरेको । बैंकले जनाएको छ ।
विद्यालयमा खानेपानीको असुविधाका कारण पठनपाठनमा समेत समस्या भईरहेको जानकारी पाए पश्चात बैंकले उक्त विद्यालयको अवस्था अवलोकन गरी उक्त पूर्वाधारहरु निर्माण गरेको बिज्ञप्तिमा उल्लेख छ ।
बैंकले आफ्नो संस्थागत सामाजिक उत्तरदायित्व अन्तर्गत देशका विभिन्न स्थानहरुमा विभिन्न संघसंस्थाहरुसंग मिलेर स्वास्थ्य, शिक्षा, पूर्वाधार निर्माण, वित्तिय साक्षरता, दिगो विकास लगायतका क्षेत्रहरुमा काम गर्दै आएको समेत जनाएको छ ।
प्रतिक्रिया दिनुहोस्