सिंहदरबार संवाददाता
काठमाडौं । नेपाल इन्स्योरेन्स कम्पनीले संस्थापक सेयर बिक्रीमा ल्याएको छ । कम्पनीले संस्थापक समूहतर्फको ६६ हजार ५ सय ६६ कित्ता सेयर बिक्रीमा ल्याएको हो ।
सेयरको प्रतिकित्ता न्यूनत्तम मूल्य ३ सय रुपैयाँ तोकिएको छ । उक्त सेयर खरिद गर्न ईच्छुक संस्थापक सेयरधनीहरुले यो सूचना प्रकाशित भएको ३५ दिनभित्र कम्पनीको कार्यालय गणेशस्थान, कमलादी, काठमाडौंमा कार्यालय समयभित्र आफूले लिन चाहेको सेयर संख्या र दर उल्लेख गरी आवेदन पेस गर्नुपर्ने कम्पनीले जनाएको छ ।
उक्त समयावधिभित्र संस्थापक सेयरधनीहरुबाट सेयर खरिदको कुनै पनि आवेदन नपरेको खण्डमा प्रचलित कानुन बमोजिम अन्य व्यक्ति तथा संस्थामा सेयर बिक्री प्रकृया अगाडि बढाउँने कम्पनीले जनाएको छ ।
प्रतिक्रिया दिनुहोस्