सिंहदरबार संवाददाता
काठमाडौं । नागरिक लगानी कोषले संस्थापक समुहको सेयर बिक्रीका लागि बोलपत्र आव्हान गरेको छ । कम्पनीले एनआईसी एशिया बैंक लिमिटेडको स्वामित्वमा रहेको ५० हजार कित्ता सेयर बिक्रीका लागि गोप्य शिलबन्दी बोलपत्र आव्हान गरेको हो ।
सेयर प्रतिकित्ता न्यूनतम मूल्य ७ सय ७ रुपैयाँ तोकिएको छ । शिलबन्दी बोलपत्र साउन ७ गतेदेखि साउन १४ गतेसम्म पेश गर्नुपर्ने लगानी कोषले जनाएको छ ।
इच्छुकहरुले एनआईसी एशिया बैंक लिमिटेडको कर्पोरेट कार्यालयः ट्रेड टावर नेपाल, थापाथली, काठमाण्डौ शाखा कार्यालयहरु विराटनगर, मोरङ्ग आदर्शनगर, वीरगंज महेन्द्रपुल, पोखरा श्रवणपथ, बुटवल हस्पिटल लाइन, धनगढी र विरेन्द्रनगर, सुर्खेतमा बोलपत्र आवेदन फाराम बुझाउन सकिने लगानी कोषले जानकारी दिएको छ ।
प्रतिक्रिया दिनुहोस्