सिंहदरबार संवाददाता
काठमाडौं । सूर्योदय वोमी लघुवित्त वित्तीयसंस्थाले संस्थापक सेयर बिक्रीमा ल्याएको छ । संस्थाले एनआईसी एशिया बैंकको स्वामित्वमा रहेको ६१ हजार ८ सय ५ कित्ता सेयर बिक्रीमा ल्याएको हो ।
सेयरको प्रतिकित्ता न्युनतम मूल्य ३ सय ४८ रुपैयाँ तोकिएको छ । उक्त सेयरहरु खरिद गर्न योग्य इच्छुक विद्यमान संस्थापकहरू वा जो कोही व्यक्ति, कम्पनी, संघ, संस्थाहरुले साउन १३ गतेभित्र गोप्य शिलबन्दी बोलपत्र आवेदन पेश गर्नुपर्ने संस्थाले जनाएको छ ।
ईच्छुकहरुले एनआईसी एशिया बैंक लिमिटेडको कर्पोरेट कार्यालय ट्रेड टावर नेपाल, थापाथली, काठमाडौं, शाखा कार्यालयहरु विराटनगर, मोरङ्ग, आदर्शनगर, वीरगंज, महेन्द्रपुल, पोखरा, श्रवणपथ, बुटवल, हस्पिटल लाइन, धनगढी र विरेन्द्रनगर, सुर्खेतमा बोलपत्र आवेदन फारम पेश गर्नुपर्ने संस्थाले सूचनामार्फत जानकारी दिएको छ ।
प्रतिक्रिया दिनुहोस्