सिंहदरबार संवाददाता
काठमाडौं । अर्थमन्त्री विषणु पौडेल असार ३१ गते सोमबार नियुक्त भएदेखि बजार र कारोबार रकम दुबै बढेको छ । आज साताको अन्तिम कारोबार दिन सेयर बजार दोहोरो अंकले बढेको हो ।
नेपाल स्टक एक्सचेञ्ज (नेप्से) परिसूचक ५९.६८ अंकले बढेर २४२४.३२ मा पुगेर बजार बन्द भएकाे छ ।
बिहीबार ३१२ कम्पनीको ३ करोड ९९ लाख ३८ हजार २ सय ३७ कित्ता सेयर किनबेच हुँदा १५ अर्ब ५४ करोड ८८ लाख ७ सय ३८ रुपैयाँ कारोबार भएको छ ।
बिहीबार १४३ कम्पनीको सेयर मूल्य बढ्दा ९५ कम्पनीको सेयर मूल्य घटेको छ र ५ कम्पनीको सेयर मूल्य स्थिर रहेको छ ।
बिहीबार नेपाल फाइनान्सको सबैभन्दा धेरै कारोबार भएको छ । कम्पनीको ४२ करोड ४६ लाख ८३ हजार ५ सय ४२ रुपैयाँ कारोबार भएको छ । कम्पनीको सेयर प्रतिकित्ता मूल्य ९ सय ९७ रुपैयाँ ८० पैसा पुगेको छ ।
साथै, आज ५ कम्पनीको सेयरमा सकरात्मक सर्किट लागेको छ भने कुमारी सबल योजनाको सेयर मूल्य ५.७६ प्रतिशतले घटेको छ ।
प्रतिक्रिया दिनुहोस्