सिंहदरबार संवाददाता
काठमाडौं । साताको चौथौ कारोबार दिन सेयर बजार दोहोरो अंकले बढेको छ । नेपाल स्टक एक्सचेञ्ज (नेप्से) २३.२५ अंकले बढेर परिसूचक २१७५.४० को बिन्दुमा पुगेर बजार बन्द भएको छ ।
बुधबार ३२२ कम्पनीको १ करोड ५२ लाख ९६ हजार ७ सय ३९ कित्ता सेयर किनबेच हुँदा ५ अर्ब ७४ करोड ४० लाख ८३ हजार ३ सय ९१ रुपैयाँ कारोबार भएको छ ।
बुधबार १९४ कम्पनीको सेयर मूल्य बढेको छ भने ४६ कम्पनीको सेयर मूल्य घटेको छ र ५ कम्पनीको सेयर मूल्य स्थिर रहेको छ ।
बुधबार सबैभन्दा धेरै हाथवे इन्भेष्टमेन्ट नेपाल लिमिटेडको सर्वाधिक कारोबार भएको छ । कम्पनीको १५ करोड ८ लाख ९९ हजार ८ सय ५९ रुपैयाँ ४० पैसा कारोबार भएको छ । कम्पनीको सेयर प्रतिकित्ता मूल्य १ सय २३ रुपैयाँ ५० पैसा पुगेको छ ।
साथै, आज बलेपी हाइड्रोपावरको सेयरमा सकरात्मक सर्किट लागेको छ । कम्पनीको सेयर प्रतिकित्ता ९.९९ प्रतिशत अथवा प्रतिकित्ता ३ सय ८३ रुपैयाँ २० रहेको छ भने बुद्धभुमि हाइड्रोपावरको सेयरमा नकरात्मक सर्किट लागेको छ ।
प्रतिक्रिया दिनुहोस्