सिंहदरबार संवाददाता
काठमाडौं । सैदी पावर कम्पनी लिमिटेडले साधारण सेयर(आईपीओ) सर्वसाधारणमा निष्काशन गर्ने भएको छ । कम्पनीले १ लाख ७० हजार ४९ कित्ता साधारण सेयर सर्वसाधारणमा निष्काशन गर्ने भएको हो ।
सेयरको प्रतिकित्ता न्यूनतम मूल्य १०० रूपैयाँ तोकिएको छ । सेयर विशेष गरी प्रभावित क्षेत्रका स्थानिय बासिन्दाहरु तथा सर्वसाधारणहरुका लागि निष्काशन गर्न लागेको कम्पनीले जनाएको छ । कम्पनीले कुमारी क्यापिटल लिमिटेडलाई धितोपत्र निष्काशन तथा बिक्रीप्रबन्धकमा नियुक्त गरेको छ ।
सैदी पावर कम्पनी लिमिटेडका तर्फबाट सञ्चालक समितीका अध्यक्ष कुशल थापा तथा कुमारी क्यापिटलका तर्फबाट प्रमुख कार्यकारी अधिकृत पुष्प शर्माले सम्झौता—पत्रमा हस्ताक्षर गरेका छन् ।
सैदी पावर कम्पनी लिमिटेडले कास्की जिल्लामा अवस्थित सैती खोलाको पानी सदुपयोग गरि ९९९ किलोवाट क्षमताको लघुजलविद्युत आयोजना निर्माण गरी २०७९ सालबाट व्यवसायिक विद्युत उत्पादन गरी आयोजना सञ्चालनमा रहेको छ ।
प्रतिक्रिया दिनुहोस्