सिंहदरबार संवाददाता
काठमाडौं । सिटिजन्स बैंक इन्टरनेसनल लिमिटेडले संस्थापक सेयर सर्वसाधारण लागि बिक्री खुला गरेको छ । बैंकले विद्यमान संस्थापक सेयरधनीहरुबाट सेयर खरिदको कुनै पनि आवेदन नपरेपछि अन्य व्यत्तिm तथा संस्थामा सेयर बिक्री खुला गरेको हो ।
बैंकले जेठ १२ गते संस्थापक समूहका सेयरधनी स्वामीनाथ प्रसाद तेलीको नाममा रहेको १३ हजार ६ सय २९.२३ कित्ता सेयर बिक्रीका लागि ३५ दिने सूचना प्रकाशन गरेको थियो । सेयरको प्रतिकित्ता न्यूनतम मूल्य १०३ रुपैयाँ तोकिएको छ ।
सेयर खरिद गर्न इच्छुक सर्वसाधारणले यो सूचना प्रकाशित भएको ३५ दिन भित्र बैकको केन्द्रीय कार्यालय नारायणहिटी पथमा निवेदन दिनुपर्ने बैंकले जनाएको छ ।
प्रतिक्रिया दिनुहोस्