एससीएसएमएफद्वारा ‘खेलकुद सम्मान’ आयोजना, स्वर्ण पदक बैकुण्ठ मानन्धरलाई

काठमाडौं । शरद चन्द्र शाहा मेमोरियल फाउन्डेसन (एससीएसएमएफ)ले खेलकुदमा योगदान पुर्याएका वरिष्ठ खेलाडीलाई सम्मान गर्न नयाँ प्रशस्तिको आयोजना गरेको छ । समारोहमा पुरानो पुस्ता र नयाँ आउने युवालाई सम्मान प्रदान गरिने र समारोहलाई ‘SCSMF Sports Award 2024’नाम दिएको शरद चन्द्र शाहा मेमोरियल फाउन्डेसनले जनाएको छ ।

यसपालि ‘SCSMF Sports Award 2024’ प्रख्यात ओलम्पियन बैकुण्ठ मानन्धरलाई प्रदान गरिने शरद चन्द्र शाहा मेमोरियल फाउन्डेसनले जनाएको छ । फाउन्डेसनले भन्यो, ‘उनले दक्षिण एसियाली खेलकुदमा लगातार तीनवटा स्वर्ण पदक (Gold Medal) जितेर रेकर्ड बनाएका छन् र अन्य अन्तर्राष्ट्रिय प्रतियोगिताहरूमा उत्कृष्ट, ऐतिहासिक प्रदर्शनको लागि चर्चित छन्।’

‘अर्को ‘एससीएसएमएफ खेलकुद पुरस्कार २०२४’ खेलकुद क्षेत्रमा उदाउँदो सितारा ओलम्पियन अरिका गुरुङलाई प्रदान गरिनेछ। उनी एसियाली र अन्तर्राष्ट्रिय खेलकुद-मार्शल आर्ट्स , कराते, मा उल्लेखनीय प्रदर्शनको लागि नामी छन् र हालै वहाले चीनमा भएको १९औ एशियन गेम्समा पनि ऐतिहासिक रजत पदक जित्न सफल भइन् । पुरस्कार स्वरूप प्रत्येकलाई २,५०,००० सम्मान नगद प्रदान गरिनेछ’  फाउन्डेसनले भन्याे ।

शरद चन्द्र शाहा मेमोरियल फाउन्डेसन स्वर्गीय शरद चन्द्र शाहाको सम्झनामा उनका परिवारजनहरूद्वारा २०२० नोभेम्बर ३० मा स्थापना गरिएको थियो । फाउन्डेसनको मुख्य उद्देश्य राष्ट्रको खेलकुद विकास गतिविधिहरूमा निम्नरुपमा सुधारका लागि समर्पित अथवा कुनै पनि किसिमले योगदान पुर्याएका व्यक्ति तथा संस्थाहरुलाई प्रोत्साहन, सहायता, र पहिचान तथा सम्मान प्रदान गर्नु रहेकाे फाउन्डेसनले जनाएकाे हो ।

विगतका दिनहरुमा शरद चन्द्र शाहा मेमोरियल फाउन्डेसनद्वारा ‘Nepal Sports For All Commission’  को सहकार्यमा ‘नेपालको खेलकुदमा नयाँ युगको प्रारम्भु’ ‘The Dawn of a New Era in Nepal Sports’  नामक फोटो प्रदर्शनी आयोजना गरिएको थियो ।