सिंहदरबार संवाददाता
काठमाडौं । हिमालयन बैंक लिमिटेड र सिटिजन्स क्यापिटल लिमिटेडबीच थप सार्वजनिक निष्काशन(आइपीओ)को लागि निष्कासन तथा बिक्री प्रबन्धक नियुक्ती सम्बन्धी सम्झौता भएको छ । बैंक र क्यापिटलबीच आज(मंगलबार) सम्झौता भएको हो ।
उक्त सम्झौतामा हिमालयन बैंकका तर्फबाट प्रमुख कार्यकारी अधिकृत(सीईओ) अशोक शम्शेर जबरा तथा सिटिजन्स क्यापिटल लिमिटेडका तर्फबाट प्रमुख कार्यकारी अधिकृत(सीईओ) सबिर बादे श्रेष्ठले हस्ताक्षर गरे ।
सम्झौता अनुसार सिटिजन्स क्यापिटल लिमिटेडले हिमालयन बैंक लिमिटेडको थप सार्वजनिक निष्कासको लागि बिक्री प्रबन्धकको कार्य गर्नेछ ।
प्रतिक्रिया दिनुहोस्