हकप्रद सेयर प्रस्ताव पारित गर्न यूनाइटेड अजोडको विशेष साधारण सभा आज बस्दै

काठमाडौं । यूनाइटेड अजोड इन्स्योरेन्स लिमिटेडले विशेष वार्षिक साधारण सभा आज (जेठ ३१ गते ) बस्दैछन् । सभा जेठ ३१ गते (आज)विशेष साधारण सभा काठमाडौंको टंगालस्थित अम्रपाली ब्याङ्क्वेटमा विहान साढे १० बजेदेखि बस्ने भएका हुन् ।

सभाले कम्पनीको चुक्ता पूँजी २ अर्ब १० करोड रुपैयाँको १५ प्रतिशत अर्थात प्रत्येक १०० कित्ता सेयर बराबर १५ कित्ताका दरले हकप्रद सेयर जारी गर्ने प्रस्ताव पारित गर्नेछ ।

हकप्रद जारीपछि कम्पनीको चुक्ता पूँजी वृद्धि भई दुई अर्ब ४१ करोड ५० लाख रुपैयाँ पुग्ने भएकाले सोही बमोजिम प्रबन्धपत्र तथा नियमावली संशोधन गर्ने प्रस्ताव पारित गर्नेछ ।

कम्पनीको संस्थापक तथा सर्वसाधारण सेयरको अनुपात बमोजिम संचालक समिति गठन गर्ने र संचालक समितिलाई अख्तियारी प्रदान गर्ने एजेण्डा पनि रहेको छ ।

सभा प्रयोजनको लागि कम्पनीले जेठ २५ गते शुक्रबार एक दिन बुक क्लोज गरिसकेको छ । जसअनुसार जेठ २४ गतेसम्म कायम सेयरधनी सभामा सहभागि भएका छन् ।