सिंहदरबार संवाददाता
काठमाडौं । नेपाल लाइफ क्यापिटलले हकप्रद सेयर निष्कासन गर्ने भएको छ । कम्पनीको गत पुस २४ गते सम्पन्न साधारण सभाबाट पारित भएको करिब १५ लाख कित्ता हकप्रद सेयर निष्कासन गर्ने भएको हो ।
कम्पनीले १ः ०.५ अनुपातमा २९ करोड ९९ लाख ३ हजार ६०० रुपैयाँको १४ लाख ९९ हजार ५ सय १८ कित्ता हकप्रद सेयर निष्कासन गर्न लागेको हो । उक्त सेयरको न्युनतम खरिद मूल्य १ सय रुपैयाँ तोकिएको छ ।
सेयर खरिदको लागि जेठ २५ गतेदेखि कायम सेयरधनीहरुले असार ११ गतेदेखि असार २५ गतेसम्म कम्पनीको कारोबार कार्यालय कमलपोखरी काठमाडौंमा आवेदन पेश गर्ने सक्नेछन् ।
साथै, तोकिएको समयभित्र आवेदन नपरेमा कम्पनीको सेयर बेचबिखन, पुनः बाँडफाँट वा अन्य किसिमले वितरण गरिने पनि कम्पनीले एक सूचनामार्फत जानकारी गरेको छ ।
प्रतिक्रिया दिनुहोस्