सिंहदरबार संवाददाता
काठमाडौं । पाँचथर पावर कम्पनी लिमिटेडले ८औं साधारण सभा आज बस्दैछ । सभा आज (जेठ २७ गते) होटल इम्पेरियल बत्तीसपुतली, काठमाडौंमा बिहान ११ बजेदेखि बस्ने भएको हो ।
कम्पनीले यो वर्ष सेयरधनीलाई कुनै पनि लाभांश नदिने निर्णय गरेको छ । सभामा एक्सेल इन्भेष्टमेन्ट र मेगा भेन्चरलाई गाभ्ने प्रस्ताव पारित गर्नेछ । सभामा आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल रआर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा रहेको छ ।
सभा प्रयोजनका लागि कम्पनीले जेठ १७ गते एक दिन बुक क्लोज गरी सकेको छ । जसअनुसार जेठ १८ गतेसम्म कायम सेयरधनीले सभामा भाग लिन पाउँनेछन् ।
प्रतिक्रिया दिनुहोस्