सुनको मूल्य हालसम्म कै उच्च बिन्दुमा, कति पुग्यो तोलाको ?

काठमाडौं । बिहिबार सुनको मूल्यले फेरी नयाँ रेकर्ड कायम राखेको छ । बिहिबार सुनको मूल्य १८ सय रुपैयाँले बढेर नयाँ रेकर्ड कायम राखेको हो ।

बिहिबार छापावाला सुनको मूल्य प्रतितोला १ लाख ४४ हजार रुपैयाँ पुगेको छ । अघिल्लो दिन सुन प्रतितोला १ लाख ४२ हजार २ सय रुपैयाँमा कारोबार भएको थियो ।

नेपाल सुनचाँदी व्यवसाय महासंघका अनुसार तेजावी सुनको मूल्य प्रतितोला १ लाख ४३ हजार ३०० रुपैयाँ रहेको छ । अघिल्लो दिन सुनको मूल्य १ लाख ४१ हजार ५०० रुपैयाँ रहेको थियो ।

त्यस्तै, चाँदीको मूल्य २५ रुपैयाँले बढेर प्रतितोला १ हजार ८५० रुपैयाँ पुगेको छ । अघिल्लो दिन चाँदीको मूल्य प्रतितोला १ हजार ८२५ रुपैयाँ रहेको थियो ।