समता घरेलु लघुवित्तको बोनस सेयर सेयरधनीको खातामा जम्मा

काठमाडौं । समता घरेलु लघुवित्त वित्तीय संस्था लिमिटेले पारित गरेको बोनस सेयर सेयरधनीको खातामा जम्मा गरेको छ । कम्पनीले गत चैत्र २९ गतेको दशौं वार्षिक साधराण सभाले पारित गरेको ५.४२२२ प्रतिशत बोनस सेयर सेयरधनीको खातामा जम्मा गरेको हो ।

कम्पनीले चैत्र १८ गतेसम्म सेयर अभौतिकीकरण गराएका सेयरधनीको सम्बन्धित डिम्याट खातामा बोनस सेयर जम्मा गराएको छ । हालसम्म पनि सेयर अभौतिकीकरण नगरेका सेयरधनीहरुले सेयर अभौतिकीकरण गराउन कम्पनीले आग्रह गरेको छ ।

साथै, चैत्र १८ गतेसम्म सेयर धितो राखि कर्जा लिएका सेयरधनीको हकमा बोनस सेयर कर्जा प्रवाह गर्ने बैंक तथा वित्तीय संस्थाको नाममा रोक्का भई सेयरधनीको डिम्याट खातामा जम्मा हुनेछ । कर्जा राफसाफ भइसकेको भए सम्बन्धित बैंक तथा वित्तीय संस्थामा सम्पर्क गरी फुकुवा गर्न आग्रह गरेको छ ।

कम्पनीको बोनस सेयर नेपाल स्टक एक्सचेन्ज र सिडिएस एण्ड क्लियरिङ्गमा सूचीकृत भई अभौतिक रुपमा कारोबार हुने व्यवस्था समेत भइसकेको छ ।