सिंहदरबार संवाददाता
काठमाडौं । सन नेपाल लाइफ इन्स्योरेन्स कम्पनी लिमिटेडको सातौँ वार्षिक साधारण सभा आज बस्दैछन् । कम्पनीको आज (जेठ ९ गते) अमृतभोग केटरर्स प्रालि, कालिकास्थानमा बिहान १० बजे देखि सुरु हुनेछ ।
सभामा सञ्चालक समितिको तर्फबाट अध्यक्षद्वारा प्रस्तुत हुने आर्थिक वर्ष २०७९।८० को वार्षिक प्रतिवेदन उपर छलफल गरी पारित गर्नेछ ।
लेखापरिक्षकको प्रतिवेदन सहितको आर्थिक वर्ष २०७९।८० को वासलात, नाफा नोक्सान हिसाब सहितको वित्तीय विवरण छलफल गरी पारित गर्ने सभाको प्रस्ताव पारित गर्नेछ ।
सभामा चुक्ता पूँजी ३ अर्ब २० करोड रुपैयाँको २३.८० प्रतिशत बोनस सेयर र १.२५ प्रतिशत नगद लाभांश (कर प्रयोजन समेत) वितरणको प्रस्ताव पारित गर्नेछ । वोनस सेयर र हकप्रद सेयर निष्काशन पश्चात अधिकृत, जार तथा चुक्ता पूँजी बृद्धि गर्न स्वीकृती गर्ने कम्पनीले जानकारी दिएको छ ।
सभाले चुक्ता पूँजी कायम हुने र नपुग पूँजी कायम गर्न उक्त पूँजीको २७ प्रतिशत अर्थात १ः०.२७ को अनुपातमा हकप्रद सेयर जारी गर्नेछ । सर्वसाधारण सेयरधनी समुहबाट एक जना सञ्चालकको निर्वाचन गर्ने सभाको एजेण्डा रहेको कम्पनीले जनाएको छ ।
प्रयोजनका लागि वैशाख २७ गते एक दिन बुक क्लोज गरिसकेको छ । जसअनुसार वैशाख २६ गतेसम्म नेप्सेमा कारोबार भई कायम सेयरधनीहरुले मात्र सभामा भाग लिन मिल्नेछ ।
प्रतिक्रिया दिनुहोस्