सिंहदरबार संवाददाता
काठमाडौं । राज्य व्यवस्था तथा सुशासन समितिका सभापति रामहरि खतिवडाले आगलागीमा ज्यान गुमाएका परिवारलाई आर्थिक सहयोग गरेका छन् । खतिवडाले ओखलढुङ्गाको सिद्धिचरण नगरपालिका–१० बेतेनीमा आगलागीमा परी आमा–छोरा गुमाएकाका परिवारलाई आर्थिक सहयोग गरेका हुन् ।
स्थानीय सामुदायिक वनमा लागेको डढेलो बाहुनडाँडाको खरबारीमा सल्केपछि खरघाँस जोगाउने क्रममा ५५ वर्षीया पुण्यमाया धमला र १६ वर्षीय कञ्चन धमलाको जलेर मृत्यु भएको थियो ।
सभापति खतिवडाले पीडित परिवारलाई भेटी व्यक्तिगत रुपमा २२ हजार र नगरपालिकाबाट उपलब्ध भएको १ लाख सहयोग प्रदान गरेको उनको सचिवालयले जानकारी दिएको छ ।
प्रतिक्रिया दिनुहोस्