सिंहदरबार संवाददाता
काठमाडौं । नेशनल लाइफ इन्स्योरेन्स कम्पनीको सीईओमा सुरेश खत्री नियुक्त भएका छन् । सञ्चालक समितिको निर्णयलाई बीमा समितिले स्वीकृति दिएपछि खत्रीलाई सीईओ बन्ने बाटो खुलेको हो ।
खत्री यस अघि पनि नेशनल लाइफको डेपुटी सीईओ थिए । सीईओ भरत बस्नेत बाहिरिएपछि उनलाई निमित्त प्रमुख कार्यकारी अधिकृतको जिम्मेवारी दिईएको थियो ।
उनले आफ्नो मूल व्यवस्थापकिय नेतृत्वमा कम्पनीलाई थप सबल र विश्वसनिय बनाउने बताए । ‘कम्पनीले विश्वास गरेर व्यवस्थापनको मूल नेतृत्व दिएको छ, मेरो नेतृत्वमा नेशनल लाइफलाई व्यवसायीक रुपले सक्षम र आम रुपले विश्वसनिय बनाउन प्रयास गर्नेछु’, खत्रीले सिंहदरबारसँग भने ।
प्रतिक्रिया दिनुहोस्