सिंहदरबार संवाददाता
काठमाडौं । ११ कम्पनीको मूल्य बढेको दिन सेयर बजार दोहोरो अंकले बढेको छ । साताको दोस्रो दिन सोमबार बजार कारोबार मापन इन्डेक्स नेप्से २०.७१ अंकले बढेर बन्द भएको हो ।
कारोबार सुरू भएको १५ मिनेटमै बढेर दिनको उच्च बिन्दुमा पुगेको नेप्से लगत्तै घटेको थियो । त्यसयता घटबढ हुँदै नेप्से २७५९.२२ अंकमा पुगेको छ ।
नेप्से ०.७६ प्रतिशतले बढेको दिन २ सय १८ स्क्रिप्टका १ करोड ९० लाख कित्ता सेयर किनबेच भए । बजारमा ९ अर्ब ५७ करोड रूपैयाँको सेयर किनबेच भयो ।
कारोबारमा आएका १ सय १२ कम्पनीको मूल्य बढेका छन् भने ५६ वटाको घटेको छ । १४ कम्पनीको सेयर मूल्य घटबढ भएनन् ।
कारोबारमा आएका मध्ये नेपाल रिइन्स्योरेन्स कम्पनीको सर्वाधिक ६६ करोड रूपैयाँको सेयर किनबेच भयो ।
आज रूरू हाइड्रोसहित ११ कम्पनीको मूल्य १० प्रतिशतले बढेको छ । समूहगत उपसूचकतर्फ विकास बैंक, होटल तथा पर्यटन र उत्पादनमुलक समूहका उपसूचकबाहेक सबै समूहमा सुधार आए ।
देशभर निषेधाज्ञा जारी रहँदा सेयर बजारमा लगानीकर्ताको सहभागीता भने घटेको छैन । लगानीको अन्य क्षेत्र नहुँदा सेयर बजारमा निरन्तर सुधार आइरहेको छ ।
प्रतिक्रिया दिनुहोस्