आयवृद्धिमा सघाउन दाङका अतिगरिब एकल महिलालाई बाख्रा वितरण

दाङ । तुलसीपुर उपमहानगरपालिका–१२ ले अतिगरिब एकल महिलालाई बाख्रा वितरण गरेको छ । बाख्रापालन गरी आम्दानी वृद्धिका लागि एकल महिला छनोट गरी वितरण गरिएको वडाध्यक्ष खुसीराम चौधरीले बताएका हुुन् ।

उनले भने,“हामीले अतिगरिब एकल महिलाको आम्दानी वृद्धिका लागि बाख्रा वितरण गरेका छौँ । ती बाख्राबाट आय आर्जनमा सघाउ पुग्ने हाम्रो विश्वास छ ।” हाललाई वडाभित्रका १० जना एकल महिलालाई बोयरलगायत उन्नत जातका बाख्रा वितरण गरिएको छ । उपमहानगरपालिकाले प्रदान गरेका बाख्रा डो¥याउदै बुधनी चौधरीले भने,“यसले हामीलाई आम्दानीमा टेवा पुर्याउने छ ।”एकल महिलाको आम्दानीको अन्य स्रोत नभएकाले प्राप्त सहयोगबाट आफ्नो जीवन यापनमा मद्दत पुग्नेमा आफू विश्वस्त रहेको अर्की एकल महिला लक्ष्मी घर्तीले बताए । “हाम्रो आम्दानीको स्रोत केही छैन । वडाको सहयोगबाट हामी खुसी छौँ” उनले बताए ।

वडाले लाभग्राही नियमित अनुगमन गर्ने अध्यक्ष चौधरीले बताए । आर्थिक समृद्धिको आधार व्यवसाय भएकाले अहिले वितरण गरेका बाख्राबाट आम्दानी गरेको देख्ने आफूहरूको चाहना भएको अध्यक्ष चौधरीले बताए । आफूहरू सधैँ किसानका पक्षमा रहेकाले यस्ता कार्यक्रमलाई निरन्तरता दिने प्रतिबद्धता उनले व्यक्त गरे ।