१ सयले बढ्यो सुनको मूल्य, चाँदीको स्थिर

काठमाडौं । निरन्तर बढिरहेको सुनको मूल्य आज(मंगलबार) पनि १ सय रुपैयाँले बढेको छ । आज छापावाला सुनको मूल्य प्रतितोला १ लाख ३६ हजार ३ सय रुपैयाँ पुगेको छ । अघिल्लो दिन सुनको मूल्य १ लाख ३६ हजार २ सय रुपैयाँमा रहेको थियो ।

नेपाल सुनचाँदी व्यवसाय महासंघका अनुसार तेजावी सुन प्रतितोला १ लाख ३५ हजार ६ सय ५० रुपैयाँमा कारोबार भईरहेको छ । अघिल्लो दिन सुनको मूल्य १ लाख ३५ हजार ५ सय ५० रुपैयाँ रहेको थियो । तेजावी सुनको मूल्य पनि १ सय रुपैयाँले बढेको हो ।

साथै, आज चाँदीको मूल्य भने स्थिर रहेको छ । चाँदी प्रतितोला १ हजार ६ सय ८५ रुपैयाँमा खरिद बिक्री भईरहेको छ ।