सिंहदरबार संवाददाता
काठमाडौं । महुली लघुवित्त वित्तीय संस्थाले ११औं वार्षिक साधारण सभा आज बस्दैछन् । कम्पनीको चैत ३ गते बसेको सञ्चालक समितिको निर्णयले सभा चैत २६ गते (आज) कम्पनीको केन्द्रिय कार्यालय महुली सप्तरीमा बिहान ११ बजेदेखि सुरू हुनेछ ।
कम्पनीले सेयरधनीलाई गत आवको मुनाफाबाट लाभांश नदिने भएको छ । सभामा कम्पनीले गत आर्थिक वर्षको वार्षिक प्रतिवेदन माथि छलफल गरी प्रस्ताव पारित गर्नेछ ।
सभामा चालु आर्थिक वर्षका लागि लेखा परीक्षकको नियुक्ति र निजको पारिश्रमिक निर्धारण गर्ने प्रस्ताव पारित गर्नेछ ।
सभामा कम्पनीको संस्थापक तर्फको रहेको संचालक पदमा संचालक समितिबाट भएको मनोनयन अनुमोदन गर्ने प्रस्ताव रहेको छ ।
साथै, सभा प्रयोजनका लागि कम्पनीले चैत १४ गते एक दिनका लागि बुक क्लोज गरि सकेको छ । जसअनुसार चैत १३ गतेसम्म कायम सेयरधनीहरुले मात्र सभामा भाग लिन पाउनेछन् ।
प्रतिक्रिया दिनुहोस्