सिंहदरबार संवाददाता
काठमाडौं । पिपुल्स पावर कम्पनीले वार्षिक साधारण सभा बोलाएको छ । कम्पनीको चैत २० गते बसेको सञ्चालक समितिको निर्णय अनुसार कम्पनीको छैठौँ र सातौँ वार्षिक साधारण सभा वैशाख १७ गते लिसारा बैङक्यौट नक्साल काठमाडौंमा बस्ने आव्हान गरेको हो ।
सभामा कम्पनीले हकप्रद सेयर निष्काशनको प्रस्ताव पारित गर्नेछ । सभामा हाल कायम चुक्ता पूँजीको ५० प्रतिशत हकप्रद सेयर निष्कासन गर्ने विशेष प्रस्तात पारित हुनेछ । कम्पनीले ३१ लाख ६३ हजार कित्ता हकप्रद सेयर निष्काशन गर्ने भएको हो ।
सभाले हकप्रद निष्कासनसँग सम्बन्धित कार्य गर्न र कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी पारित गर्नेछ।
सभामा संस्थापक समूहको तर्फबाट १ जना महिलासहित ५ जना र सर्वसाधारण समूहबाट १ जना सञ्चालक निर्वाचन गर्ने, १ जना स्वतन्त्र सञ्चालक नियुक्त गर्ने लगायतका प्रस्तावहरु पनि पारित गर्नेछ ।
साथै, सभा प्रयोजनका लागि कम्पनीले चैत २९ गते बुकक्लोज गर्ने भएको छ । जसअनुसार चैत २८ गतेसम्म कायम सेयरधनीहरुले मात्र सभामा भाग लिन पाउँनेछन् ।
प्रतिक्रिया दिनुहोस्