सिंहदरबार संवाददाता
काठमाडौं । कुमारी बैंक लिमिटेडले संस्थापक सेयर बिक्रीमा ल्याएको छ । बैंकले सेयरधनीको नाममा रहेको ३ लाख ४ हजार ७ सय २१ कित्ता सेयर बिक्रीमा ल्याएको हो ।
बैंकले भञ्चर ट्रेडिङ एण्ड इन्भेष्टमेन्ट प्रालिको नाममा रहेको ३ लाख ४ हजार १ सय १८ कित्ता र टिका कुमारी खड्काको नाममा रहेको ६ सय ३ कित्ता सेयर बिक्री खुल्ला गरेको हो । विद्यमान संस्थापक सेयरधनीहरुबाट आवेदन नपरेमा अन्य व्यक्ति तथा संस्थामा सेयर बिक्रीको प्रक्रिया अगाडि बढाउने कम्पनीले जनाएको छ ।
सेयर खरिद गर्न इच्छुक विद्यमान सेयरधनीहरुले सूचना प्रकाशन भएको ३५ दिनभित्र आवश्यक कागजात सहित बैंकको सेयर रजिष्ट्रार, कुमारी क्यापिटल लिमिटेड नक्सालमा आईपुग्ने गरी निवेदन पेश गर्नु पर्नेछ ।
प्रतिक्रिया दिनुहोस्