सिंहदरबार संवाददाता
काठमाडौं । प्रभु महालक्ष्मी लाइफ इन्स्योरेन्स लिमिटेडको ३ दिने एमडिआरटि सम्मान कार्यक्रम सम्पन्न भएको छ । कम्पनीको चैत २ गतेदेखि ४ गतेसम्म भएको कार्यक्रम नारायणगढमा सम्पन्न भएको हो ।
कार्यक्रममा बोल्दै कम्पनीको प्रमुख कार्यकारी अधिकृत सन्तोष प्रसाईले उत्कृष्ट कार्यले नै सम्मानको लागि मार्ग तयार हुने बताए । उनले भने, ”तपाईहरुको मेहनतले पाएको सफलतामा प्रभु महालक्ष्मी लाइफ इन्स्योरेन्सको सधै साथ–सहयोग रहन्छ र उच्च सम्मान प्रकट गर्दछ । एमडिआरटी जस्तो अन्तराष्ट्रिय फोरममा छनोट हुनु आफैँमा गौरवको कुरा भएकाले अभिकर्ताहरुलाई हार्दिक बधाई व्यक्त गर्दछु ।”
”अभिकर्ता पेशा छनोट गर्नुभएको यहाँहरुको निरन्तर लगनको परिणामले प्राप्त सफलतालाई कम्पनीले उच्च सम्मान प्रकट गर्दछ” नायब प्रमुख कार्यकारी अधिकृत किशोर प्रसाद लामिछानले भने । कम्पनीका नायव महाप्रबन्धक एवं नेशनल सेल्स हेड सोन बहादुर मगरले योग्यहरुको योग्यताको पहिचान आफूले गर्ने कामले प्रस्तुत हुने बताए ।
सफलताको अनुभव र प्राप्त मान सम्मानले थप सफलताको लागि उर्जा प्राप्त हुनुका साथै यो उर्जाको आगामी वर्षमा परिणाम आउने विश्वास नायव महाप्रबन्धक एवं नेशनल सेल्स हेड सोन बहादुर मगरले व्यक्त गरे । उक्त कार्यक्रममा आउँदै गरेको फागु पूर्णिमा (होली) को शुभकामना आदान प्रदान गरि रंगहरुका साथ नारायणी नदीको क्रुज जहाजमा होली मनाइएको थियो ।
प्रतिक्रिया दिनुहोस्