सिंहदरबार संवाददाता
काठमाडौं । सानिमा बैंक लिमिटेडले संस्थापक सेयर बिक्रीमा ल्याएको छ । बैंकले सेयरधनी टेकराज निरौलाको नाममा रहेको ३ लाख कित्ता सेयर बिक्रीमा ल्याएको हो ।
सेयरको न्युनतम मूल्य १ सय ४५ रुपैयाँ रहेको छ । उक्त सेयर खरिदको पहिलो हकदार संस्थापक सेयरधनीहरु रहेका छन् ।
सेयर खरिद गर्न इच्छुक सेयरधनीहरुले सूचना प्रकाशन भएको ३५ दिन भित्रमा आवश्यक कागजात सहित बैंकको केन्द्रीय कार्यलय नारायणचौर नक्सालमा आइपुग्ने गरी आवेदन पेश गर्नु पर्ने कम्पनीले जनाएको छ । तोकिएको समयावधिभित्र सेयरधनीहरुबाट सेयर खरिद नभएमा प्रचलित नियमानुसार अन्य व्यक्ति तथा संस्थामा बिक्री खुल्ला गर्ने सूचनामा उल्लेख छ ।
प्रतिक्रिया दिनुहोस्