सिंहदरबार संवाददाता
काठमाडौं । बोटलर्स नेपाल (तराई) लिमिटेडकोे ५ वर्ष पुरानो लाभांश लिन सेयरधनीलाई आग्रह गरेको छ । कम्पनीको आर्थिक वर्ष २०७४।०७५ को वार्षिक साधारण सभाले पारित गरेको लाभांश अझै पनि केही सेयरधनीले भुक्तानी नलिएपछि लाभांश रकम भुक्तानी लिन सेयरधनीलाई आग्रह गरको हो ।
लाभांश भुक्तानी लिन आवश्यक कागजात संकलन गरी सूचना प्रकाशन भएको १ महिनाभित्र सेयर रजिष्ट्रार नबिल इन्भेष्टमेन्ट बैंकिङ्ग लिमिटेड, नारायणचौर, नक्साल, काठमाडौंमा सम्पर्क गरेर लाभांश लिन कम्पनीले सेयरधनीलाई अनुरोध गरेको छ ।
साथै, तोकिएको अवधिभित्र पनि सेयरधनीहरूले लाभांश भुक्तानी नलिएमा रकम लगानीकर्ता संरक्षण कोषमा जम्मा हुने कम्पनीले एक सूचनामार्फत जानकारी गरेको छ ।
प्रतिक्रिया दिनुहोस्